Baby生日快樂也哈哈，我都未試過同你祝生日既計劃會咁成功！我都好開心也~~~ ^3^
原本計劃：28號一早10am左右到淺水灣游水，2pm / 3pm左右出到旺角行下街食下野，行街期間靜雞雞去蛋糕店羅蛋糕去旺角意粉屋，6pm / 7pm左右入坐，最後就無拿拿羅個蛋糕出黎生日快樂。YEAH~~
當時計劃無咁順利呢，好彩我識應變！呵呵~
其實一早就諗定要同Baby訂一個生日蛋糕架，不過日日都懶懶閒喎，過下過下發現都已經廿幾號，走埋去唔知邊間餅店問一問「而家訂蛋糕28號羅趕得切嘛？」，嘩佢竟要睇一睇日歷先答到我，仲話「仲趕得切」，呵...心知不妙啦，仲唔訂蛋糕就玩完啦。
=================================
25號MTR briefing完左就決定去訂蛋糕，去朗豪坊啦，嘩點知有賣蛋糕既店得3間... Italian Tomato 1磅果d蛋糕好醜樣... Pappagallo既就幾靚，早排仲同Baby一齊睇過潻架，哎也！死啦唔記得左Baby講過邊隻樣既蛋糕睇落好好味... eeeee 不過我知Baby一定鐘意朱古力味架，但早個禮拜佢先買左個Delifance既朱古力蛋糕，係實芯朱古力潻也，好好味！點好呢...
Pappagallo個姐姐仔畀我問到口到啞啞，哈哈我太多問題啦「哩個切開黎係點架？」、「朱古力？係朱古力醬定係硬掘掘果ｄ？」、「裏面有無蛋糕肉架？」，個姐姐仔要問其他人先答到我，佢又話「送畀女朋友既話哩個都唔錯也」，佢果時係指住左個實心朱古力蛋糕，哈哈我果下個咀角姦笑左出黎也hehe
行上去foodcourt到睇Italian Tomato個蛋糕，又行返落黎MTR果層睇Pappagallo，點知發現中間有間龍島，賣緊個半磅仔既特濃軟朱古力餅，嘩仲要係龍島既朱古力，我好鐘意也哈哈~ 不過又朱古力也？... 早幾日先食過，點好呢... 死啦！差唔多時間要到深水步接Baby，要走啦要走啦。
不停咁行上行落，唔知有無"實蕉"以為我係d痴線佬呢？第三四次入Italian Tomato間野時個姐姐仔已經唔理我啦 :P 去到Pappagallo面前又好怕畀個姐姐見到我係到行來行去，但其實龍島又細又好似好好味，真係佢？好啦！Baby鐘意食朱古力嘛，買龍島！
「出面果個有無得定做架？」「裏面係d乜野黎架？實芯硬朱古力黎架？」「28號黎羅架，到時唔會係出面果個黎架可？」「......（點解唔問我寫乜字既？）......」「係咪可以寫字架？」「哦，我加錢啦」「碌咭也唔該你。」「我大約2:30pm 3:00pm到黎羅也。」「唔該晒。Byebye」YEAH！！ 買左啦！！！ 哈哈~~
到左深水步站Baby都仲未到，YEAH成功~~，Baby又無問我頭先去過邊到黎，嘩咁奇既唔問喎，呵呵~ 祕密祕密，唔話你知我買左蛋糕，我仲扮晒野同Baby睇蛋糕潻~ 呵呵~
=================================
26號繼續我既計劃，打電話去book枱野~ 但係問唔問Baby去邊間食好呢？一向無乜信心「攪事」畀Baby既我，都係打左電話問Baby，不過問左兩句，個心開始知道一個點樣既生日Baby先開心：就係畀佢一個由我全力準備好晒既一個生日！哈哈一來佢唔洗煩啦 :P 不過最重要既係佢覺得我有心為佢準備生日，佢覺得我重視佢個生日咁嘛，我知架啍！
所以問多兩句我都係唔問啦，自己私低下決定訂旺角一間意粉屋，近間龍島嘛，28號游完水後黎旺角行街之時，我要鼠左去運送蛋糕都唔會用好多時間，he . he . he .....
=================================
其實都唔太記得d事係發生係邊一日，不過差唔多啦哈哈。27號同Baby講，生日果日會去旺角食野也，點都好，我都唔太有信心自己簡既地方 -旺角- Baby一定鐘意，哎也結果Baby真係唔想也，不過我知架我知架，要我去決定食邊，咁Baby先覺得係我為佢而準備，上網返查意粉屋分店資料，發現eee？有間意粉屋係響酒店既1樓喎，點都應該信啦過啦~ 就轉book哩間啦，果間係帝國酒店，響尖沙咀，尖沙咀無問題啦掛~ 唉無架啦book啦！
hehe之後果日就正日啦~~ 好野去游水~~~
=================================
28號... 難得一早起身去到荔景站同Baby會合，點知天氣轉差...... 我地個淺水灣也.... 打去1878200聽天文台，話有雷暴警告，仲間中有狂風雷暴，當時我真係好想唔理三七廿一去左淺水灣先，但落唔到水去到咪仲傻，落水的話又有危險，我唔想一句為左祝生日而出事也，都係聽Baby話入大欖BBQ啦。
響荔景站，去淺水灣同去大欖正正係兩個互相相返既方向，唉決定向荃灣方向走時心情複雜。去到荃灣，但係依然未放棄過到淺水灣既念頭。
一心諗住去沙灘所以我無帶到相機，而家轉左去BBQ，唉... 橫掂去大欖一定經深井，所以返我屋企羅機相先啦。
離開左荔景之後就無再落過雨啦... 返屋企羅完相機落返樓，眼見個天氣靚到不得了，已經好懷疑天文台果句「狂風雷暴」，所以再打去天文台聽一聽，下??! 攪錯也!! 佢收起左「狂風雷暴」哩句也!! 不過好開心，哈哈哩一刻全速趕去淺水灣都仲有時間游水，好! 今日正式起行去淺水灣啦呵呵~~~~
去到淺水灣定一時間去Seven到睇睇個Locker，果到個Locker好先進，入30蚊 (貴...!) 就可以用4個鐘。依照我同Baby上個禮拜黎淺水灣後傾好左既「用Locker方案」，我地成功Lock起晒d貴重野，換好衫去感受夏天既海水啦YEA HO~~~
哎也好凍也d水哈哈，我覺得好凍也，但係Baby話唔覺喎。我地都唔係游水，行到出海水上腰既位置Baby就叫住唔好也唔好出去也咁，我就用左好大既敢氣先肯張成個身jum入水到，因為好凍也~ Baby話水唔凍喎，咁就玩下d指定低能玩意：搵水put佢，Chu~~咪又係驚~~~ 哈哈~~
之後攰攰地就坐左係海水邊邊到畀d海水沖下沖下隻腳同屎忽! 又用d沙黎砌左d唔知乜野既形狀，我就砌左個好似人咁既野，Baby就砌左一條好長可能係某生物既腳既形狀! 原來想諗野砌係咁難架哦~
係喎，游水期間有人遇溺也，不過好攪笑，沙灘上面差唔多全部十幾個救生員，不論高矮肥廋，全部傾~~~巢而出，突然間沙灘上面畀救生員坐既果個亭無晒人，唔洗下話... 如果再多兩個人叫救命咁咪無人救? 可能實在太耐無人叫過救命，突然有工開仲唔大展身手~ 哈哈~
之後游游下有大陸團黎觀光 (定觀春光? 唔知啦) 成炸人行埋個海邊到影影影，幾廿個鏡頭左右掃射，全部游客即時離開佢地既攝景範圍，容乜易畀人用左黎做背景, or畀人影大特寫!
差唔多時間lu~ 到左太陽落山先走就好多人排隊沖涼啦。我自己好似好耐都無試過公眾地方沖涼也。因為我要睇住d住，Baby就自己去左沖涼先，哎也我好擔心也，點知會唔會有變態佬望Baby架! 所以我就羅住一袋二袋行去沖涼附近d位望一望Baby，哈哈好彩佢果個位附近無人用，hehe
到我沖啦，Baby羅住左我d野入女更衣室幫我睇住，不過我沖完果下就毛巾都無條企左係到吹海風，好凍也好凍也... 我自己攬實自己用個背隻頂住吹埋黎既風，當我仲諗住自己好似好保到暖既時間就吹大風........ 嘩!!! 好凍也!!
換好晒衫啦，去Seven開Locker羅返d野就出發去下一個節目羅呵呵~~~ 食意粉屋~ YEAH~~~
坐巴士離開淺水灣去銅羅灣途中，我都仲係到同Baby講話我未買蛋糕 :P 哈哈因為我仲好想可以食食下意粉屋後無拿拿走個蛋糕出黎，畀個驚喜Baby也，不過Baby聽到後就唔開心羅，算啦講啦hehe~
我講畀Baby知去旺角意粉屋食，因為響朗豪坊一間餅店到訂左個糕蛋，不過Baby唔鐘意旺角也哎也... 我即時諗一諗唔怕我Print定左意粉屋所有分店既資料，即時可以再簡同打電話做Booking，好! 就去《尖沙咀彌敦道32號帝國酒店1樓》哩名啦，酒店喎應該好好。
Baby去尖沙咀羅位先，我就去旺角羅蛋糕再返返黎，入意粉屋時個男Waiter問我「要靜雞雞咁定係無所謂架?」哈哈緊係要靜雞雞啦。
哎也哩一刻已經唔記得左果時食左乜野食物潻，不過記得係好好味好滿足架。
之後就叫人羅個蛋糕上黎啦，嘩CHU.... 成個紙盒上既?... 之前個男Waiter話會幫我整到靚靚架，唔緊要啦自己黎都一樣姐。
個蛋糕係龍島既朱古力軟芯蛋糕黎架，頂層有塊四方形一片既龍島朱古力cover左係面到，好正也哈哈，Baby好鐘意食朱古力野架~ ^3^
就係咁，哩一年既生日總算準備得好成功，咁多次黎講哩個係第一次準備得咁成功，令Baby咁開心架~ 好野~~~~~~
About Me
- wilsonthongwk
- I am - a flute learner, - a boy, - a research student in networking, - a network lover, - a photography lover, - a poor boy, - a day dreamer, - hyperactive, - a Google lover, - ...