又有exchange apply啦

今日睇到個email話開始叫人apply exchange，隻眼一見到exchange哩個字，個心就好似已經到左步exchange緊咁! 哈哈。

今次推介之一係去美國University of Washington也，又一個新環境，都幾想申請試下也。

不過記得上次澳洲返黎，我應承過baby唔再離開佢咁耐，mmm...，我其實都唔想又再dum低baby，但係exchange既體驗又的確好令我迷戀，點好呢....

其實我自己內心都有左個答案既，算吧啦當睇唔到 :P 所以我今日先同baby講我收到哩個email，如果我的確想去既，我應該會唔講出黎住，等自己諗返一排，因為都知道一爆響口，我就一係唔去，一係就同baby冷戰到我起飛為止。

講到我好似實去到咁! 哈哈~~~ (其實我都幾有信心可以申請成功，如果我去申請的話 :P)

師兄1月左右會去意大利exchange 3個月左右，睇見佢就覺得佢好自由，哩到去果到去都唔怕有人苦等自己。不過如果為左可以哩到去果到去而沒殺左畀人苦等既幾會，咁又好似太過孤獨。

我想人身可以到處親身經歷，然後同baby一齊分享過程中跟本唔可能用語言、只可以用身體一同感受既快樂。不過暫時黎個時候，前後兩者亦然係極度互相矛盾。

世事就係咁架啦，無矛盾既世界可能d人會死得好快! 因為事情太快就解決晒，咩都唔再有存在既價值。 :P