同baby同哥姐pairs食飯

今日同baby一齊，同哥哥mony姐&ar強一齊出黎新城市食野哦。間野叫buono nuobo，爆差...

我同baby一齊叫左兩樣野食，三文魚蟹籽意粉同埋個意大利石頭鍋雞肉飯。

個意粉差到不得了，意粉jum住hey湯，叫果時落單果個都問清楚我地「個意粉會有hey湯個喎，有無問題?」，我地話無問題，不過估唔到d hey湯係公仔麵味既湯....

意粉底仲有趣，意粉攪埋既唔係芝士粉唔係磨菇，竟然係原條莧菜... 唔知係師傅刻意定無意，莧菜意粉毫無莧菜味，都唔知係好彩定唔好彩。

意粉上面放左唔太新鮮既三文魚，同元氣or元綠既鮮三文魚比，哩間野既三文魚唔爽又無彈性，所以我稱呼哩d三文魚叫唔太新鮮既三文魚。

唔太新鮮既三文魚上面左放左蟹籽，第一眼見到哩d蟹籽，就係要第一時間救佢地上黎，防止佢地跌入公仔麵湯之中，師傅想哩d蟹籽點食呢? 想撈入公子麵湯中就既話，果到咁少量既蟹籽只會畀公仔麵湯搶晒味；要係想食客分開食，就應該用另一隻碟分開上呢 (好似味千既日式炸蝦拉麵，炸蝦係分開上)。

[baby話一定要講埋呢個point] 意粉主要既味道，係油味，d油多到，就算麵本身係公仔麵湯中洗過，羅上黎既麵每一條都係反光... 我就覺得無所謂，但baby就話太肥唔想食咁多。

哩個意粉賣HK$68，比italian tomato單叫意粉更貴...

好，到個意大利石頭鍋雞肉飯。哩個問題無意粉咁大。

menu上哩個飯係有個生蛋，不過埋到黎就變左煎熟左既反蛋，個飯羅到黎我一時應唔到佢係我叫既飯 :P 哈哈~

飯撈左好多白色幾結(幾creamy)既汁，飯本身睇落好好味，但入到口，除左飯味其他味都食唔到，d汁既存在唔知為乜。

飯之外仲有切件煙肉同雞肉，仲有隻煎熟左既反蛋，煙肉煮得幾靭，口感同cityu canteen早餐食既無乜分別，雞肉過熟，但都唔算太靭，但收我$68做d咁既雞肉，我就覺得係問題。

個飯既正名唔記得左，但有意大利哩字，不過佢用個韓式既石頭鍋，好似好唔意大利。

奶茶唔錯，個杯既design好得意。

帶子沙律雖然細細個，用一個一隻手掌可以"圈"晒既透明膠杯裝住，不過d汁好好味，細帶子仔都好味。

唉... 總括一句，以上果兩個主菜好唔掂，要食好味既海鮮意粉，$68不如去italian tomato，要食味道濃既石頭鍋飯，$68可以去南山谷食。

========================================

:P 哈哈食完之後，我同baby同大家一齊去左機鋪打錢，我同baby玩車車，哈哈擇錯左個好簡單賽道，一個大圈，好似係到學車咁哈哈，嘩不過baby都會撞埋邊喎.... 嘩.... baby第日學車，政府一定要宵禁.... :P 哈哈

之後同哥玩the house of the dead 4，嘩爆好坃，同哥玩簡真係合作一流，哈哈不過都係過唔到第二版個大佬。

同baby督督完手指就走啦~ 哈哈~ ^3^ 好玩~~