同Baby參加荃景義工活動

嘩好開心也~~ 8月30日哩一日同Baby一齊參加左荃景青協既義工活動，哩日仲有歷奇坊既人架：June、Tracy、Nam、佐治、肥，仲有June同Tracy既舊同學Karen。哩一日係去西貢大網仔戶外練訓營到做生態Visit同埋幫手砌石橋也。

記得以前我同Baby一齊參加荃景既活動，感覺都好差，因為當我同Baby同荃景既一班朋友一齊出現，感覺就好似有兩個圈子咁，一個係我同Baby拍拖既圈子，另一個就係我同荃景人既一個圈子，兩者好似互相不容，但又要迫Baby同大家一齊玩咁，攪到荃景人覺得我只掛住拍拖，Baby就覺得我冷落左佢，問我「都唔知自己出現係到做乜，又無人理」咁樣~

以上既事好似發生響一年前左右哦。

可以時隔太耐，哩一次再一齊參加荃景活動，我已經唔記得左以前既不快，只係一尾同Baby sell「生態喎，正也~~ 大自然也，一齊去也」哈哈~

真係諗都無諗過，Baby今次會玩得咁一體化，我意思係呢成個朝9晚9既過程中，再無出現過兩個圈子既情況，最最最最開心既，係我自己可以好正常咁發揮自己既義工能力同好似平時咁投入落去個活動到，而Baby亦都親眼見到義工活動中既我係點樣，哈哈~~ 以前如果我一投入，就好似離棄左Baby，所以我玩得唔放架。

真係唔知點解，哈哈可能係「生態」哩兩個字將慢熱既Baby好快咁同大家拉埋左一齊。

最開心既唔只係Baby可以見到義工活動中正真既KitKit，最開心係可以同Baby一齊有個投入既義工經歷，其實義唔義工都唔太關事，總之就係一齊投入地去玩d青年活動也歷奇活動羅~ 哈哈~~

BBQ果時Baby仲同新識既Karen有傾有講，嘩~~~ 好神奇也~~ 仲係d好正常既傾計，唔係果d HeHeHaHa式一句起兩句止既說話。

另一樣令我都好開心既就係，嘩~~~~~!! 實在太耐無玩過哩d活動啦~~ 哈哈~~~ 成日都只係攪活動，今次可以親身落場玩，爽!!!!

第日再有哩d活動我唔會夾硬叫Baby去既，個天自有安排架啦哈哈~ 不過同生態有關既野就一定好吸引Baby，因為大自然係好吸引架~~~~ 哈哈~~~~

Baby~~ 好開心也~~ 哈哈~~~